Friday, August 22, 2014

ટાંગા ભાગી જશે

આંગળી ચીંધીશ તો ટાંગા ભાગી જશે, 
લખીશ, બોલીશ તો ટાંગા ભાગી જશે.

તું શું જાણે લ્યા ઈતિહાસ ને સંસ્કૃતિ ?
ચું કે ચાં કરીશ તો ટાંગા ભાગી જશે !

કટકે કટકે કાપશે તને જ તારી સામે,
ને સહેજે રડીશ તો ટાંગા ભાગી જશે.

ગૌરવની ચોટલી વાળી જીવ સાલા,
મુંવાળો તોડીશ તો ટાંગા ભાગી જશે.

તું કેવળ અશ્વમેધનો અશ્વ છે અહીં તો,
જરીકે હણહણીશ તો ટાંગા ભાગી જશે.

અંધારું તસુભાર ખસ્યું તો ખેર નથી,
હવે દીવો કરીશ તો ટાંગા ભાગી જશે.  

મેહુલ મંગુબહેન, 21 ઓગસ્ટ 2014

No comments :

Post a Comment