જેમ જીવવું ગમે ન મને ચોકઠામાં,
એમ લખી શકું ન હું ગા લ ગા મા.
નથી કંઈ બીજાનું, નથી કોઈ બીજા,
આખી દુનિયા ગણું મારા સગામાં.
હો આચરણ ફક્ત નેહ નઈ લગીર,
એવા શું કરવાના વહેવાર નકામા ?
પરિણામ સામે તું કોશિશ પણ જોજે,
ખુશ હું પણ નહોતો મારી દશામાં.
ફક્ત આજ પુરતો ખાનાબદોશ છુ,
ઘરે નહિ જવાય આજે છુ નશામાં.
ઝૂલે હિંડોળા ખાટ ઈશ્વર સજી વાઘા,
ને અર્ધું જગત ઝૂરે ફક્ત થીગડાંમાં
ઉન્નતી કાં પતનની નિશાની ગણો,
આવે નહિ કોઈ જયારે ખુદના કહ્યામાં.
મેહુલ મકવાણા, ૧૨ / ૧૨ / ૨૦૧૧ , અમદાવાદ
No comments :
Post a Comment